Кочкордо жол кырсыктан жаш бала каза болуп, беш адам жаракат алышты

Кочкордо айдоочу рулга ээ боло албай жол кырсыкка кабылды. Бул тууралуу ӨКМдин басма сөз кызматына таянып "Барометр" билдирет.

Бүгүн, 16-октябрда Кочкордо саат 03:50те Бишкек-Нарын- Торугарт унаа жолунун 230-чакырымында (Сары-Булак айылы) “Toyota Avensis” үлгүсүндөгү унаанын айдоочусу рулду башкара албай, унаа жолдон чыгып кеткен.

 Кырсыктын кесепетинен 1 эркек бала каза болду (2008-жылы туулган). 

Ал эми 5 адам (2 эркек: 1989-жылы туулган, 1989- жылы туулган, 2 аял: 1992-жылы туулган, 1994-жылы туулган жана 1 жаш бала 2016- жылы туулган) ар кандай жаракаттарды алышкан. 

Жерине Кочкор райондук №42 ӨКБдан 4 куткаруучу тартылып, каза болгон адамды унаадан чыгарышып ИИМ кызматкерлерине өткөрүп беришкен. Ал эми жабыркаган адамдарды тез жардам кызматкерлери Кочкор райондук ооруканасына алып кетишкен.