Күнүгѳ денебиз жети нерседен жабыркайт

Ар күнү миллиардаган адамдар күнүмдүк жашоосунда бирдей эле ден-соолугуна зыян келтирген каталарды кетиришет.
Адисттер бир караганда анча маанилүү эмес кѳрүнгѳн ден-соолукка олуттуу таасир берген нерселерди аныкташты.

• Эртең менен будильник менен ойгонгонууну адистер колдобойт. Бир нече жолу ар кандай убакытта кайталанган будильниктин үнү нерв системаларына терс таасирин тийгизээрин айтышат.
• Ойгонгондон кийин дароо терезенин пардаларын ачуу керектигин сунушташат.Бул ѳзгѳчѳ кыш мезгилинде жагымдуу, күндүн нуру дефицит маалда, ашыкча салмактуулук, депрессия менен ден-соолукка терс таасир тийгизген нерсеелерди алдын алат.
• Кыш мезгилинде сѳзсүз күндѳн сактоочу кремдерди колдонуу абзел экенин адистер айтышат. Негизи бул кремди бир жыл бою колдоногон туура. Себеби терини сактоодо чоң роль ойнойт. Ошондой эле онкологиялык оорулардын алдын алат.
• Автотраспорт кѳп болгон шаарларда жашаган адамдарга булганыч абанын таасири кѳп. Жолдо дайыма автомобилдин терезесин ачып айдаган айдоочулар жана жүргүнчүлѳргѳ онкологиялык жана жүрѳк кантамыр ооруларына чалдыгуу коркунучу бар.
• Тиш жууганда ѳтѳ катуу щетканы колдонгон болбойт. Тиш жууганда щетка менен тишти жышып жууган туура эмес, тиштин эмалына зыян келтирет да курт түшүшүнѳ шарт түзѳт. Ар бир тамактангандан кийин 30мүнѳттѳн кийин тишти жууган туура.
• Нѳл пайыздагы диеталык суусундуктарды рациондон жок кылуу керек. Булар татуу суусундуктардай эле терс таасирин тийгизет. Суусунун кандыруу үчүн таза суу же жемиштерден жасалган табыйгый ширелерди ичүү туура.
• Кечинде спорт менен машыгуу уйкуга терс таасирин тийгизет деген божомол бар. Адистердин айтымында, спрот менен каалаган убакта машууга болоорун айтышат. Денени спрот менен машыктыруу тынч уйкуну камсыздайт