Караколдо айдоочу турак үйдүн дубалын сүзүп, окуя болгон жерден каза болду

Караколдо Субару Форестер үлгүсүндөгү унаанын айдоочусу рулду башкара албай, турак үйдүн дубалын сүздү. Бул тууралуу ӨКМ билдирди. 

Окуя 3-октябрь күнү саат 01:30 чамасында Пржевальский жана Харьковский көчөлөрүнүн кесилишинде болду. Жол кырсыгынын кесепетинен унаанын айдоочусу 1986-жылы туулган Ө.С. аттуу эркек киши каза болду.  Куткаруучулар айдоочунун жансыз денесин унаадан чыгарып ИИМнин кызматкерлерине өткөрүп беришти.