Кара-Буурада жол кырсыгынан төрт адам жабыркады

Кара-Буурада эки унаа кагылышып, жол кырсыгынан төрт  адам жабыркады. Бул тууралуу ӨКМдин басма сөз кызматына таянып "Барометр" билдирет.

Кечээ, 3-ноябрда Кара-Буура районунда саат 17:21 чамасында Суусамыр- Талас-Тараз унаа жолунун 60-чакырымында (Бейшеке айылы) “Ауди С4” менен “Ф-Гольф 3” унаалардын катышуусунда жол кырсыгы катталган.

Натыйжада 4 эркек адам жаракат алышкан (1961-жылы туулган, 1989- жылы туулган, 1989-жылы туулган, 1988-жылы туулган). Жерине КР ӨКМнин №91 өрткө каршы куткаруу бөлүгүнүн куткаруучулары тартылып, унаадан жабыркагандарды чыгарышып, тез жардам кызматына өткөрүп беришкен.