Индияда сел болуп жатканда үйлөнгөн жаштар чоң казанды кортеж кылышты (видео)

Индиянын Керала штатында болгон ири суу ташкыны чыныгы сүйүүгө тоскоол боло алган жок. Бул тууралуу чет элдик маалымат булактарына таянуу менен “Барометр” кабарлайт.

Бул кыйын учурда үйлөнгөн колукту менен күйөө чоң казанга түшүп алып салтанат өтчү жайга барышты. Алардын тоюнун видеосу соцтармактарга жүктөлдү.

Видеодон Акаш менен Айшвария отурган казанды эки эркек сүйрөп баратканы, артынан фотограф сүрөткө тартып жүргөнүн көрүүгө болот.

Эскерте кетсек, Индияда суу ташкыны болуп 100дөн ашык адам көз жумуп, ондогон адамдар дайынсыз жоголду.