Индияда катуу жааган жаандан улам сел каптап, 37 адамдын өмүрүн алды

Индиядагы Керала штатында катуу жааган жамгырдан улам каптаган суудан ондогон адамдар каза болуп, миңдеген тургундар үй-жайсыз калды. Бул маалыматты CNN телеканалы жазды. Берилген маалыматтарга ылайык, 37 ден ашык адам өлүп, 40 миңдей шаар тургундары үйлөрүн таштап кетүүгө аргасыз болушту. 

Мындай жагдай өлкөдөгү туристтерге дагы коркунуч жаратты. Индиядагы метеорология департаментинин билдиришинче алдын ала берилген маалыматка ылайык, дагы катуу жаан күтүлүшү мүмкүн. Андыктан куткаруу иштери жүргүзүлүүдө.