Ичимдик ичкен айдоочу. Орловкада эки унаа сүзүштү (Видео)

Чүй облусуна караштуу Орловка шаарында эки автоунаа кагышып, анын кесепетинен эки адам жабыркады. Бул тууралуу облустук ЖКККБнын маалымат кызматына таянып «Барометр» билдирет.

Жол кырсыгы кечээ, 2-августта саат 8:40 чамасында Орловка шаарында катталган. Анда «Toyota Prius» жана «Audi A4» үлгүсүндөгү унаалар сүзүшкөн.

"Эки айдоочу тең ооруканага жаткырылды. Текшерүүнүн натыйжасында Toyota унаасын башкарып бара жаткан 29 жаштагы аял спирт ичимдигин ичкени аныкталды", — деп айтылат маалыматта.

Учурда унаалар айып короого киргизилип, кырсыктын себеби такталууда.

Жол кырсыгы чагылдырылган тасма бүгүн «Короче» телеграм каналына жүктөлдү.