Дагы бир алтын! Мээрим Жуманазарова Дүйнө Кубогун жеңип алды

Кыргызстандык  балбан кыз Мээрим Жуманазарова Сербияда өтүп жаткан эркин күрөш боюнча Дүйнөлүк Кубоктун жеңүүчүсү болду.

Жуманазарова 15-декабрда 68 килограммга чейинки салмак чениндеги мелдеште старт алып, чейрек финалда беларуссиялык Анна Садчанка менен күч сынашты. Жуманазарова атаандашын ишенимдүү жеңип, жарым финалга чыкты.

1/2 финалда Жуманазарова украиналык Алина Бережна менен күрөштү. Айыгышкан күрөштө кыргызстандык балбан кыз 6:6 эсебинде жеңишке жетти.

16-декабрда өткөн финалдык беттеште кыргызстандык балбан кыз  чехиялык Адела Ханзликовага каршы күрөшүп, аны 8:2 эсебинде жеңип, Дүйнө Кубогунун жеңүүчүсү болуп, алтын медаль тагынды.

Эске сала кетсек, Кыргызстандын эсебинде ушуну менен 3 алтын медаль жеңген балбан болуп калды. Буга чейин, Жоламан Шаршенбеков жана Айсулуу Тыныбекова алтын медаль уткан.