Экс-депутат Төлөгөнов 15 жылга эркинен ажыратылды

27-октябрда Бишкектин Биринчи Май райондук соту "Ата Мекен" фракциясынын экс-депутаты, белгилүү жазуучу Төлөгөн Касымбековдун уулу Райкан Төлөгөновду үй-мүлкүн мамлекетке чегерүү менен 15 жылга эркинен ажыратууга өкүм чыгарды.

Эске салсак, Төлөгөновго Кылмыш-жаза кодексинин 30-беренесинин 4-бөлүгү (кылмыш жасоону уюштурган же аны аткарууну жетектеген, уюшкан топту же кылмыштуу шериктерди түзгөн же болбосо аларды жетектеген), 167-берене (тоноону уюштурган), 174-берене (мүлктү атайылап жок кылуу же зыянга учуратууну уюштурган) жана 241-берене (ок атуучу куралдарды, ок-дарыларды, жарылуучу заттарды жана жардыргыч түзүлүштөрдү мыйзамсыз алуу, берүү, өткөрүү, сактоо, ташуу же алып жүрүү) боюнча айып тагылган.