Бишкекте жүк унаасы өрттөнүп, айдоочу каза тапты

Бишкектеги Биринчи май районундагы Кронштадт көчөсүндө 25-сентябрда MAN  жүк ташуучу унаасы өрттөнүп кеткен. Бул тууралуу Өзгөчө кырдаалдар министрлигинин басма сөз кызматынан кабарлашты. 

Ведомство берген маалыматка таянсак, өрттүн кесепетинен унаанын салону жана кыймылдаткычы күйүп кеткен. Өрттүн себептери такталууда.

Унаанын айдоочусу-Казакстандын жараны кырсык болгон жерде көз жумду.