Балыкчынын борбордук көчөсүндөгү Лениндин эстелиги талашка түштү

Балыкчынын мэриясы аталган шаарынын борбордук аянтын жашылдандыруу жана реконструкциялоо долбоорун иштеп чыкты-муниципалитеттин имаратынын алдында турган В. Лениндин эстелигинин ордун алмаштыруу зарылдыгы каралууда. 

Реконструкциялоо долбоору боюнча аянтка фонтаны менен бирдиктүү ансамблдин көрүнүшүн берүү каралган. 

"Ошондуктан Лениндин эстелиги болжолу алынат окшойт”,-деп кабарлашты мэриядан. 

Буга байланыштуу шаардык администрация өзүнүн социалдык баракчасында шаардыктардын арасында сурамжылоо жүргүзүп жатат. 

Калаанын жашоочуларына үч вариантты сунушташууда:

эстеликти сактап калып аны башка жакка көчүрүү,

өз ордунда калтыруу, 

толук бойдон алып салып, кайра орнотпоо.