Майрамдарга байланыштуу унаага, турак жайга салык төлөө 4-сентябрга чейин узартылды

 Ушул жылдын 1-сентябры майрам күндөргө туш келип калгандыктан транспорт, турак жай жана жерге салык төлөө мөөнөтү 4-сентябрда аяктайт. Бул тууралуу Мамлекеттик салык кызматынын басма сөз кызматынан кабарлашты. 

“Ошондуктан унаа каражаттарына, турак жайга, квартира жана жерге салык төкпөгөндөр калган күндөрү жана 4-сентябрда дагы салыкты төксө болот. Салыктар банктар, терминалдар, мобилдик жана интернет банкинг кызматтары аркылуу төлөнөт”,-деп кабарлашты салык кызматынан.

Өз убагында салык төлөбөгөн жарандарга 2000 сомдук айып пул каралган. Жана ар бир күн үчүн туум кошулат.