21-марттан бери дайынсыз делинип жаткан подполковникти өлтүрүп кетишти

Ошто милициянын подполковнигин өлтүрүп кетишти. Бул тууралуу Ош шаардык ички иштер башкармалыгынан журналисттерге маалымат таратышты. Маалыматка караганда, милициянын подполковнигинин киши колдуу болуп өлтүрүлгөн жансыз денеси кечээ, 23-март күнү табылган. Ал Ички иштер министрлигинин Баңгизаттарды мыйзамсыз жүгүртүүгө каршы күрөшүү боюнча башкы башкармалыктын кызматкери болчу. 21-мартта үйүнөн чыгып кеткен боюнча дайынсыз делип жаткан.