Чүйдө “КамАЗ” үлгүсүндөгү унаа 440 түк чөбү менен күйүп кетти

Чүйдө белгисиз себептерден улам “КамАЗ” үлгүсүндөгү унаа 440 түк чөбү менен  күйүп кетти. Бул туурасында өзгөчө кырдаалдар министрлигинин басма сөз кызматынан билдиришти.

Маалыматка ылайык, 2018-жылдын  31-июль  күнү саат 13:08 чамасында Чүй облусунун Жайыл районунун Новониколаевка айылында оор жүк ташуучу “КамАЗ”   толугу менен күйгөн. 

Эмне  себептен күйгөндүгү такталууда. Өрттү өчүрүүгө КР ӨКМнин өрт-куткаруу бөлүмүнөн кызматкерлер келишип, өрт толугу менен өчүрүлдү.