Үч жаштагы кызды гаражда зордуктап өлтүрүшкөн

Казакстандын Чымкент калаасында 3 жаштагы кыздын сөөгү гараждан табылды.  Алдын ала мааламыттарга караганда аны адегенде зордуктан, андан кийин кыйнап өлтүрүшкөн.Бул тууралуу Евразия телеканалы кабарлады. 

Кыздын туугандарынын айтымында, анын денеси көгала болуп жанчылган жана канга боелгон, үстүндө кийими жок абалында  табылган. Окуя эски гараждардын биринде болгон. Үйдүн айланасында ойноп жүргөн Каусардын жоголуп кеткенин адегенде апасы байкап калган. Базардан кайтып келип кызынын жок экенин көрүп издей баштаган. Таппагандан кийин полицияга кабар берген. Бир нече сааттан кийин аны алсырап, кийими жок жаткан жеринен таякеси таап алган.

Апасы ыйлап кызынын өз колунан жан бергенин айтты.

Кыздын денеси табылган эски ээн калган гараж аракечтер менен нашакорлордун мекенине айланганын айтышты. Өткөн жылы дагы  ал жерде 7 жана 8 жаштагы эки кызды зордуктап кетишкен экен.