Быйылкы жылы ноябрь айына электр энергиясын керектөө 24%га жогорулайт

«Түндүкэлектро» ААК абоненттерге 2018-жылдын ноябрь айындагы электр энергияга болгон эсеп-кысап былтыркы жылдын ушул эле мезгилине салыштырмалуу кыйла жогору болорун кабарлайт. Бул тууралуу "Түндүкэлектронун" сайтына жазып чыкты. Быйылкы жылдын ноябрь айынын суугу электр энергиянын керектелишинин 24% жогорулашына алып келди.

Эгерде 2017-жылдын ноябрь айына «Түндүкэлектро» ААК боюнча  573 млн. кВт.саат электр энергиясы келип түшсө, алдын ала жүргүзүлгөн эсептер боюнча 2018-жылдын ноябрь айына 710 млн. кВт. саатка чукул электр энергияны келиши күтүлүүдө.

«Түндүкэлектро» ААК дебитордук карыз үчүн өчүрүлүү ыңгайсыздыктарына кабылбаш үчүн абоненттерди эсеп-кысапты өз маалында жүргүзүүгө чакырат.