Быйыл Кыргызстанга туристтердин көп келиши күтүлүп жатат

2019-жылы Кыргызстанга туристтердин көп келиши күтүлүп жатат. Бул тууралуу бүгүн, 16-апрелде болгон басма сөз жыйынында «Кыргыз туризм» мамлекеттик ишканасынын башкы директору Данияр Казаков билдирди. 

Анын айтымында мамлекеттик ишкана аймактарда жаңы туристтик каттамдарды иштеп чыгат

Аталган басма сөз жыйынында өткөн жылы КРга 6 миллион 946 миң 500 турист келгени айтылды.Быйылкы жылы бул көрсөткүч 15 пайызга жогорулашы күтүлүүдө.