Фитнес-браслет айыбын ачып койгон. Британиялык айым жигити көзүнө чөп салганын өзгөчө ыкма менен билип алган

Британиялык теле алып баруучу фитнес-браслеттин жардамы менен жигити анын көзүнө чөп салып жүргөнүн аныктаган. Бул тууралуу The Sun сайты жазган маалыматка шилтеме берип “Барометр” билдирет.

Маалыматта айтылгандай, аял фитнес-браслеттин жардамы менен жигитинин түнкү активдүүлүүгү адаттан тыш экенин байкаган. 39 жаштагы белгилүү теле алып баруучу Надия Эссекс жигити экөө синхрондоштурулган фитнес-браслеттерин тагынып, бири-биринин ден-соолугунун көрсөткүчтөрүнө көз салып турууну туура көрүшкөн.

Аялдын айтымында, жигити кечеден кайтып келгенден кийин, ага эртең мененки тамакты жасоону чечкен. Ал фитнес-браслеттеги маалыматты карап жатып, түнкү саат экиден үчкө чейинки аралык учурунда жигити болуп көрбөгөндөй активдүү болгону көрүнгөн.

Теле алып баруучу жигиттен түшүндүрмө талап кылып, андан кийин жигити башка бирөө менен болгонун моюунуна алган.