Боом капчыгайында 22-26-апрелде таш кулатуу иштери жүргүзүлүп, жол жабылат

Жол кыймылдарынын коопсуздугун камсыз кылыш максатында 22-апрелден 26-апрелге чейин «Кыргыз темир жолу» улуттук компаниясы Бишкек-Нарын-Торугарт унаа жолундагы Боом капчыгайында мажбурлап таш түшүрүү иштерин баштайт. Бул тууралуу «Кыргыз Темир Жолу» компаниясынын басма сөз кызматы кабарлады.

Жол кыймылы 22-апрелден 26-апрелге чейин саат 09:00дөн 15:00гө чейин Ички иштер министрлигинин жол кыймылынын коопсуздугун камсыздоо башкы башкармалыгынын кызматкерлери тарабынан маал-маалы менен жабылып турат.

30-40 унаа топтолуп калгандан кийин таш кулатуу иштери токтотулуп уунаалар кое берилип турат.Таш кулатуу иштери күндүз жүргүзүлөт.

Компания келтирилген ыңгайсыздыктар үчүн жарандардан кечирим сурап, бул иштерди түшүнүү менен кабыл алууну өтүнөт.