Бишкектеги «Кыял» базарында түндө өрт чыкты

Бишкектеги «Кыял» базарында түн ичинде өрт болду. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.

Бут кийими оңдоочу жай, 17 тигүү машинасы, идиш-аяктар, суусундук саткан 17 темир контейнер, темир чатыр, пластик терезелер жана эки чачтарачкананын кондиционерлери күйгөн.

Жалпы жабыр тарткан аянт 100 чарчы метрге барабар болду.

Бир  өрт өчүргүч унаа жеринде иштеп таңкы саат 05:27де өрт толугу менен өчүрүлдү.

Өрттүн себептери такталып жатат.