Бишкекте жылуулук түтүгү өткөн кудуктан 47 жаштагы эркектин жансыз денеси табылды

Бишкекте Онкология институтунун жанындагы жылуулук түтүгү өткөн кудуктан каза болуп калган адамды табышты. Бул тууралуу ӨКМдин басма сөз кызматына таянып "Барометр" билдирет.

Кечээ, 30-ноябрда Бишкек шаарында Октябрь районунда саат 12:40та Жукеев-Пудовкин көчөсүндөгү Онкология институтунун жанындагы жылуулук түтүгү өткөн кудуктан 1973-жылы туулган эркек кишинин жансыз денеси табылган.

КР ӨКМнин Бишкек шаардык Куткаруу кызматынын куткаруучулары маркумдун жансыз денесин кудуктан чыгарышып, ИИМ кызматкерлерине өткөрүп беришкен.