Бишкекте жер төлөдөн суу түтүкчөсү жарылып, батирлерди суу каптап кетти

Бишкекте көп кабаттуу үйдүн жер төлөсүнөн суу түтүкчөсү жарылып үйлөрдү каптап кеткен. Бул тууралуу ӨКМнын маалымат кызматына шилтеме берип "Барометр" билдирет.

Маалыматка ылайык, Бишкек шаарынын Октябрь районуна караштуу Куйручук көчөсүндө жайгашкан көп кабаттуу үйдүн жер төлөсүндө суу түтүкчөсү жарылып,үйдүн алдындагы бөлмөлөргө суу толуп калган.

"Суу каптап кеткендиги тууралуу саат 20:40да маалымат түшкөн.

Аталган жерге Бишкек шаарынын куткаруу кызматынан 4 куткаруучу тартылып, мотопомпанын жардамы менен сууну сордуруп,тазалашты. Куткаруучулар шаар тургундарына өз убагында жардам көрсөтүп, түнкү саат 02:46да кайтып келишкен", -деп айтылат маалыматта.