Бишкекте жакынкы сааттарда катуу шамалдын болушу күтүлүүдө

Өзгөчө кырдаалдар министрлигинен маалымдашкандай, 6-июлда күндүз Бишкекте жана Чүй областында ылдамдыгы секундасына 15-20 метрге жеткен катуу шамалдын болушу күтүлүүдө. Бул тууралуу Бишкек мэриясынын басма сөз кызматынан кабарлашканын “Барометр” билдирет.

“Кырсыктарды алдын алуу максатында Бишкек мэриясы унааларды дарактардын, жеңил курулмалардын жанына токтотпоону өтүнөт”,-деп айтылат маалыматта.

Дарактар кулаганын же башка жабырлануучулар болгонун көргөндөр 1840, 1850 номерине байланышууну жана Бишкек мэриясынын 0554 182 185 номерлүү WhatsApp-каналына фото жана видео фактыларды жөнөтүүнү эскертишти.