Бишкекте өспүрүм өнөр жай объектисиндеги чуңкурга түшүп кетти (видео)

Бүгүн, 10-сентябрда саат 01:20да Бишкектин Октябрь районундагы Исакеев көчөсүндө жайгашкан өнөр жай объектисинин чуңкуруна өспүрүм бала кулап кеткен. Бул тууралуу Өзгөчө кырдаалдар министрлигинин басма сөз кызматына таянуу менен “Барометр” кабарлайт.

"Бүгүн түнкү саат 01:20 чамасында Октябрь районундагы Исакеев көчөсүндө казылган чуңкурга 2006-жылы туулган К.Б. аттуу бала кулап кеткендиги тууралуу маалымат түшкөн",-деп айтылат аталган кабарда.

Окуя болгон жерге Бишкектин куткаруу кызматынын төрт куткаруучусу тартылды.

Куткаруучулар альпинисттик жабдуулардын жардамы менен өспүрүмдү алып чыгышып, алгачкы медициналык жардамды көрсөтүшүп, тез жардам бригадасына салып беришти.