Бишкекте шайлоо маселелери боюнча өткөн "Quiz Night" интеллектуалдык оюнунун жеңүүчүлөрү жарыяланды

Бишкекте Кыргыз Республикасынын Шайлоо жана референдум өткөрүү боюнча борбордук комиссиясы жана Эл аралык шайлоо системалары фондунун (IFES) өкүлчүлүгү тарабынан USAIDдин колдоосу менен уюштурулган шайлоо темаларын билүү боюнча “Quiz Night” интеллектуалдык оюну болуп өттү. Бул тууралуу БШКнын басма сөз кызматына шилтеме берип "Барометр" билдирет.

Иш-чарага Кыргызстандын медиа коомчулугунун өкүлдөрү катышты.

Оюндун жүрүшүндө 12 команда түзүлдү алар төмөнкүлөр:

• Команда – «Ангелы Азамата». Капитан - Азамат Акенеев.
• Команда – «No comment». Капитан - Айсулу Текимбаева.
• Команда «Даканса». Капитан - Семетей Аманбеков.
• Команда «Пресс Хата». Капитан - Лейла Саралаева.
• Команда «Нечастная лавочка». Капитан - Болот Темиров.
• Команда «Аксанат». Капитан - Эльмира Мадиева.
• Команда радио «Азаттык». Капитан - Токтосун Шамбетов
• Команда «ПолитКлиника». Капитан - Дилбар Алимова
• Команда «Майли». Капитан - Перизат Сейтбурхан
• Команда «Angry Pandas». Капитан - Жылдыз Ороспакова
• Команда «На страже вашей кукурузы». Капитан - Нуржамал Джанибекова
• Команда «IBF». Капитан - Умарахунов Ильхам

Борбордук шайлоо комиссиясынын төрайымы Нуржан Шайлдабекова катышуучуларды келе жаткан жаңы жылы менен куттуктады.

«Мен сиздерге ден-соолук, ар бир үйдө бакубат жашоо каалайм. Сизден биздин жарандардын жан дүйнөсүнө жана жүрөгүнө сиңген кызыктуу темаларды чагылдырышыңыздарды каалайм. Биздин жарандар шайлоо жараянын, шайлоонун өлкө турмушундагы ролун жакшыраак түшүнүшү үчүн кошкон салымыңыздар үчүн чоң рахмат. Сиздерге көөнөрбөс чыгармачыл илхом каалайм », - деди ал.

Борбордук шайлоо комиссиясынын башчысы алдыдагы референдум боюнча суроо берип, туура жооп берген катышуучуларга сыйлыктарды тапшырды.

Кыргызстандагы Эл аралык Шайлоо Системалары Фондунун (IFES) директору Рената Левовски да катышуучуларды куттуктады.

«1987-жылдан бери IFES өнүккөн демократиялык мамлекеттерге чейин 145тен ашуун өлкөдө кызмат кылып, шайлоо тажрыйбасын топтоону улантууда. Кыргызстанда IFES жарандык билим берүү боюнча долбоорлорду ишке ашырат, потенциалды жогорулатат жана Борбордук шайлоо комиссиясынын кесиптик деңгээлин жогорулатууну узак мөөнөттүү стратегиялык пландаштыруу жана процессуалдык-укуктук өзгөрүүлөрдү жана реформаларды колдойт. Биз аялдардын, жаштардын жана мүмкүнчүлүгү чектелген адамдардын шайлоо укуктарына өзгөчө көңүл бурабыз. 2000-жылдан бери Кыргызстандагы IFES жаштар үчүн жарандык билим берүү жаатында иштеп, орто мектептер үчүн жарандык билим берүү боюнча окуу китебин иштеп чыгып, демократиянын инклюзивдик жайкы лагерлери, жаш жарандар үчүн мектептер, Медиа лаборатория сыяктуу бир катар долбоорлорду ишке ашырды. Бул жолу биз журналисттер арасында ушундай демилгени баштоого аракет кылууну чечтик. Бул ыкма билимдерди жана ар кандай конкурстарды өткөрүүнүн эң натыйжалуу формасы жана биз аны иш-чараларыбызда мүмкүн болушунча көп колдонууга аракет кылабыз. IFES кызыктуу окуяларды ойлоп табууга аракет кылат, интерактивдүү ыкма аркылуу шайлоо процесси, мыйзамдар, БШКнын регламенттери жана эл аралык стандарттар, мыйзам бузуулар тууралуу”, - деди ал.

Оюндун катышуучулары Кыргыз Республикасынын, дүйнөнүн ар кайсы өлкөлөрүнүн шайлоо мыйзамдары жана шайлоо процесстерин билүү жаатында күч сынашты. Алар шайлоонун тарыхы, шайлоо мыйзамдары, аялдар үчүн добуш берүүнүн жеткиликтүүлүгү жана шайлоо жараянынын камтылышы жөнүндө суроолорго жооп беришти.

Төмөнкү командалар "Quiz Night" жеңүүчүсү болушту:

      1. "Азаттык" радиосунун жамааты. Капитан - Токтосун Шамбетов

      2. Команда «Даканса». Капитан - Семетей Аманбеков.

      3. Команда – «Ангелы Азамата». Капитан - Азамат Акенеев.

Жеңүүчүлөргө сыйлыктар тапшырылды.