Бишкекте оор жүк ташыган жана тез жардам унаасы кагышты (Видео)

Бишкектеги Ленинград жана Орозбеков көчөлөрүнүн кесилишинде оор жүк ташуучу унаа менен тез жардам кызматынын унаасы кагышты. Бул тууралу “Короче” Телеграм-каналы жазып чыкты.

Маалыматка ылайык, кырсыктын кесепетинен тез жардам унаасы катуу жаракат алган, анын алдыңкы жагы талкаланып,  астыңкы дөнгөлөктөрү арыкка кирип кеткен. Кагылышуудан улам жол белгилери жана жол чырак жарактан чыккан.

Учурда кырсык болгон жерге милиция кызматкерлери тартылды.

Жол кырсыгынан жабыр тарткандар тууралуу маалымат азырынча бериле элек.