Бишкекте дагы 11 жерге камера орнотулду. Алар кайсы көчөлөр?

“Коопсуз шаар” боюнча дагы 25 жерге камера  жайгаштырылды. Бул тууралуу «Вега» радио курулуш концерни кабарлады.  

Аппараттык-программалык комплексттердин 14ү Бишкек- Торугарт жана Бишкек-Чалдовар унаа жолдоруна коюлса, Бишкек шаарындагы тогуз көчө кесилиштерине жана эки өтмөккө камера жайгаштырылды.

Текшерүүдөн өткөндөн кийин АПК ишке киришет.

Бишкектеги аппараттык-программалык комплексттер орнотулган жайлардын тизмеси төмөндө:

Бөкөнбаев көчөсү менен Манас проспектисинин кесилиши;

Чүй проспектиси - Манас проспектиси;

Чүй-Павлов көчөсү;

Жибек Жолу-Манас проспектиси;

Махатма Ганди-Боталиев көчөлөрү;

Жибек Жолу-Курманжан Датка;

Ахунбаева - Байтик Баатыр;

Чүй-Абдрахманов;

Байтик Баатыр-Горький көчөлөрү;

Шабдан Баатыр көчөсүндөгү өтмөк;

Ибраимов көчөсүндөгү өтмөк.