Бишкекте "Аю гранд" соода борборунда өрт чыкты (видео)

Бишкекте "Аю гранд" соода борборунда өрт чыкты. Өрттүн видеосу социалдык тармактарга тарап жатат.

ӨКМнин маалыматына ылайык, "Аю-Гранд" соода борборунун чатырынан чыккан өрт саат 13:46да чектөөгө алынган.

Күбөлөрдүн маалыматына ылайык, соода борборунун ичиндеги адамдар эвакуацияланып, тилсиз жоо 14:00 чамасында өчүрүлгөн.

Өрттөн жабыркагандар жана жаракат алгандар катталган жок.