Бишкекке Афганистандан 11 кыргызстандык эвакуацияланды

Тышкы иштер министрлиги Кыргызстандын жарандарын Афганистандан эвакуциялоо иштерин улантып жатат. Бул тууралуу Тышкы иштер министрлигинен кабарлашканын “Барометр” маалымдайт.

Катардагы Кыргызстандын элчилигинин көмөгү менен 23-августта саат 04:40та Доха - Дубай - Бишкек аба каттамы менен Кыргызстандын 11 жараны келди. Алар ага чейин Афганистандан америкалык атайын борт менен эвакуацияланган. Элчиликте болгон сүйлөшүүлөрдөн соң кыргызстандыктарга авиа билеттерди беришкен.

“Афганистандын аймагындагы Кыргызстандын калган жарандары КРнын дипломатиялык миссиясынын имаратында коопсуз турушат жана жакын арада мекенине кайтарылат”,-деп айтылат маалыматта.