Мэриядагы митинг: Алар тез арада борбор калаага жаңы мэрдин дайындалуусун талап кылып таркашты

Бишкек мэриясынын алдында кайрадан митинг болуп жатат.

Чогулгандар Бишкек шаарына жаңы мэр тез аранын ичинде дайындалуусун талап кылып жатышат.

Эске салсак, борбор калаага убактылуу мэрдин милдетин аткаруу вице-мэр Нариман Түлеевге жүктөлгөн. 21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептеп митинге чыгышкан. Эртеси,  22-октябрда  Түлеев вице-мэр жана мэрдин милдетин аткаруудан баш тартып, өз каалоосу менен кызматтан кеткен.

Бүгүн, 26-октябрда Түлеев кызматтан кетүү тууралуу жазган арызын кайра кайтарып алганы маалым болду.

Ошону менен катары эле, Бишкек шаарынын мэриясы, расмий түрдө баш калаанын мэринин милдетин аткаруучу, биринчи вице-мэр Нариман Түлеевди гана башчы катары тааный тургандыгын билдирип чыгышты.