Бишкек-Ош жолунда болгон унаа кырсыгынан үч адам каза тапты

Бишкек-Ош жолунда болгон кырсыктан үч киши каза тапты. Бул тууралуу Өзгөчө кырдаалдар министрлигинин басма сөз кызматына таянуу менен “Барометр” кабарлайт.

15-сентябрда болжол менен саат 07:10до Бишкек-Ош унаа жолунун 308-чакырымында, Токтогул районунун Кара-Жыгач айылында «МАН» унаасы менен «ВАЗ 2107» унаасы кагылышкан, анын кесепетинен кырсык болгон жерде үч эркек каза тапты.

Жеринде 5 куткаруучу иштеп, унаадан 3 адамды алып чыгып тез жардам кызматына өткөрүштү.Каза болгондор Токтогул райондук ооруканасынын моргуна жеткирилди. Алардын өздүгү такталууда.