Бишкек-Алматы унаа жолунда кырсык болуп, 20дан ашык киши ооруканага кайрылды

29 октябрь 2018 10:40 1016 Элзат Нурманбетова
Бөлүшүү:
ok

Бишкек-Алматы унаа жолунда кичи автобус менен автобус кагылышып, кырсыктан 21 адам ооруканага жеткирилген. Бул тууралуу Казакстандын Спутник маалымат агенттиги жазды. 

Кырсыктан жабыркагандардан 6 киши жаткырылып, бирөө оор абалда жандандыруу бөлүмүнө жеткирилген. Полициянын билдиргенине ылайык айдоочулар жабыркаган эмес. Ал эми кырсык 28-октябрда чак түштө катталганы айтылууда. 

Аталган окуя боюнча Казакстандын Кылмыш жаза кодексинин жол эрежесин бузуу беренеси боюнча кылмыш иши козголду.

Азырынча кырсыктагандардын арасында кыргызстандыктардын бар жогу айтыла элек.

Теги: жол кырсыгы

Ссылка: https://barometr.kg/bishkek-almaty-unaa-zholunda-kyrsyk-bolup-20dan-ashyk-kishi-oorukanaga-kajryldy



Добавить комментарий