Бүгүнтөн баштап Аксы районунда тойканалар жабылат

Жалал-Абад областынын Аксы районунда 10-июлдан тартып баардык кафе, ресторандардын ишмердигине чектөө киргизилет. Бул тууралуу аталган райондун администрациясынын маалыматына таянуу менен “Барометр” билдирет.

Ыкчам штабдын чечими менен адамдар көп топтоло турган жайларга чектөө киргизилет. 10-июлдан тартып кафе-ресторандар жабылып, ашканаларга аралыкты сактоо талабы менен 50 пайыз чектөө колдонулат.

Азыркы учурда адамдар көп топтолгон жайларды дезинфекциялоо иштери башталды.

Райондо жалпысынан 10 тойкана жана 100дөй коомдук тамактануучу жай бар.