Бүгүн Садыр Жапаров баштаган өкмөт мүчөлөрү ант берет

Бүгүн, 28-октябрда, “Ала-Арча” мамлекеттик резиденциясында президенттин милдетин аткарып жаткан премьер-министр Садыр Жапаров жаңы министрлер кабинети менен чогуу ант берет. Бул тууралуу парламенттин басма сөз кызматына таянып “Барометр” билдирет.

Садыр Жапаров баштаган өкмөттүн курамы 14-октябрда Кыргызстандын мурунку президенти Сооронбай Жээнбеков тарабынан бекитилген.

Конституцияга ылайык, Жогорку Кеңештин VI чакырылышынын мөөнөтү бүгүн, 28-октябрда аяктайт. Бирок,  парламент депутаттары кийинки чакырылыштагы депутаттарды шайлоого чейин иштеп туруу чечимин кабыл алышкан.