Шашылыш билдирүү! 26-28-июнда туруксуз аба-ырайы күтүлүүдө

Республика боюнча 26-28-июнда туруксуз аба-ырайы күтүлүүдө. Бул тууралуу ӨКМдин басма сөз кызматына таянып “Барометр” билдирет.

2020-жылдын 26-июнунан 28-июнуна чейин туруксуз аба-ырайына жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.

Ош, Жалал-Абад, Ысык-Көл, Нарын облустарынын көпчүлүк аймактарында, Чүй, Талас, Баткен облустарынын кээ бир райондорунда жаан жаап, күн күркүрөшү, бийик тоолуу райондорунда кар жаашы күтүлөт.

Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.