Бүгүн «Альянс Алтын» компаниясына 10 жыл толду

Бүгүн «Альянс Алтын» ЖЧКсына 10 жыл толду. 

Бул он жылдык ишенимдүү өсүштүн, өлкө экономикасына болгон реалдуу салымдардын жана компания негизделгенден бери карманып келген баалуулуктардын: социалдык жана экологиялык жоопкерчиликтин, туруктуу өнүгүүнүн жана коомчулукка ачыктыктын доору болду.

2015-жылдан бери Кыргыз Республикасынын бюджетине 28,4 миллиард сом которулган. 2025-жылдын апрель айында эле 2 миллиард сом чегерилген, анын 1,59 миллиарды - алтын сатуудан түшкөн салыктар.

Өлкөдө көлөмү боюнча экинчи орунда турган Жерүй кенинде 2021-жылдан бери 17,6 тонна алтын казып алынды. Кен иштетүүнүн жылдык кубаттуулугу — 1,3 миллион тонна.

Мындан тышкары, даректүү социалдык жардамга кошумча 317,8 миллион сом бөлүнгөн. 

Компания жыл сайын кирешесинин 2 пайызын инфраструктураны өнүктүрүүгө багыттайт — ал дээрлик 2 миллиард сомду түзөт. Бул каражаттар облустук, райондук жана айылдык деңгээлдерде тиешелүүлүгүнө жараша 50%, 30% жана 20% үлүштө бөлүштүрүлөт.

Экологиялык жоопкерчилик ишмердүүлүктүн маанилүү бөлүгү бойдон калууда: жабык суу айланма системалары колдонулат, жер рекультивациясы, айлана-чөйрөгө туруктуу мониторинг жүргүзүлөт. Фаунаны калыбына келтирүү боюнча долбоорлор ишке ашууда: маралдарды, кыргоолдорду жапайы жаратылышка, балыктарды дарыяларды коё берүү иштери жүргүзүлүп турат.

Бүгүн бизге 10 жыл — бул башталышы гана. «Альянс Алтын» мындан ары да өлкөнүн туруктуу өнүгүүсүнө өз салымын кошуп, жарандардын жыргалчылыгын жогорулатууга жана жаратылышты коргоого багытталган ишмердүүлүгүн улантат.