Сооронбай Жээнбековдун кеңешчиси Олег Панкратов кызматынан кетти

Президент Сооронбай Жээнбеков кол койгон Жарлыкка ылайык, Олег Панкратов башка ишке өткөндүгүнө байланыштуу президенттин кеңешчиси кызматынан бошотулду. Бул тууралуу Президенттин Басма сөз кызматы билдирди. 

Панкратов мамлекет башчысынын кеңешчиси болуп 2019-жылы июлда дайындалган.

Ошондой эле берген арызына ылайык, Назгүл Ташпаева КР Президентинин Аппаратынын социалдык өнүктүрүүгө мониторинг жүргүзүү бөлүмүнүн башчысы кызматынан бошотулду.