Баткенде окуучулар арасында массалык мушташ болду. Видео

Соцтармакта “Баткенде окуучулар арасында массалык мушташ болуп, үч окуучу оор абалда ооруканада жатат” делген видео таркап жатат. Бул тууралуу “Барометр” маалымдайт.

Видео тасманын алдына, Баткен районунун Кара-Бак айылынын мектеп окуучулары ууру-ууруга бөлүнүп мушташып жатышкандыгы жазылат.

“Мектеп окуучуларынын арасында массалык мушташ болуп, 10-класстын балдары 8-класстын балдарын көптөп сабап жатышат. Учурда, үч бала оор абалда ооруканада жатат”, - деп айтылат видео тасманын алдындагы жазууда.

Бул тууралуу Баткен ОИИБна “Барометрдин” журналисттери байланышканда, учурда, аталган окуя боюнча тактоо иштери жүрүп жатканын, толук маалымат берилерин кабарлашты.