Башкы штаб: Колунан ажыраган жоокер тыюу салынган белгиге карабай өзү көмөк чордонго кирип барган

Майлуу-Сууда жоокер электр тогуна урунуп, бир колунан ажыраганын буга чейиин Куралдуу Күчтөрдүн Генералдык штабынан билдиришкен. Анда 19-августта жоокер Руслан Сапарбаев аскер бөлүгүндө кароолдо турганда эшиги ачылып калган көмөк чордонундагы токко урунган. Учурда жоокер Бишкектеги №4 ооруканада даарыланууда. Анын омурткасы жабыркап, дарыгерлер жоокердин бир колун кесип салууга аргасыз болгон. Окуянын чоо-жайы боюнча маалымат такталып жаткан.

Ал эми Генералдык штаб  билдиргендей, 19-августка караган түнү Майлуу-Суу шаарындагы аскер бөлүгүндө Руслан Сапарбаев кароолдо турганда электр көмөк чордондун аймагына өзү кирип барган. Тыюу салынган белгиге карабай, трансформатордук түзүмдүн ичине кирип, токко урунган. Териштирүүнү Аскердик прокуратура жүргүзүүдө.