Башкы прокурор Зулушев кайрадан кызматын аткарууга киришти

Башкы прокурор Курманкул Зулушев кайрадан кызмат ордуна кайтарылды. Бул тууралуу президенттин маалымат кызматына шилтеме берип "Барометр" билдирет.

Маалым болгондой, Садыр Жапаров кол койгон тескемеге ылайык, башкы прокурору Курманкул Зулушев 16-июндан тарта өзүнүн кызматтык милдетин аткарууга киришти.

Ошондой эле, аталган тескеме менен Мамлекет башчысынын 2022-жылдын 3-июнундагы тескемесинин 2-пункту күчүн жоготту деп табылды.

Эскерте кетсек, башкы прокурор Курманкул Зулушев Алымкадыр Бейшеналиевге карата кылмыш ишин тергөөгө байланыштуу убактылуу кызматтан четтетилген.