Балыкчыда унаанын айдоочусу улгайган аялды сүзүп качып кеткен

Балыкчы шаарында улгайган аялды сүзүп андан соң изин жашырып кеткен айдоочу кармалды. Бул тууралуу Балыкчы шаардык ички иштер бөлүмүнөн кабарлашканын “Барометр” маалымдайт.

23-августта Балыкчы шаарынын ички иштер бөлүмүнө жолдун жээгинде 21-август күнү болжол менен саат 04.36да жашы 75-80дер чамасында улгайган аялдын сөөгү табылганы тууралуу маалымат түшкөн.

Окуя болгон жерге барган ыкчам топ жол боюнан «Тойота» маркасындагы унаанын бамперинин сыныгын табышкан. Каза тапкан аялдын өздүгү аныкталган, ал Балыкчы шаарынын 85 жаштагы тургуну экени белгилүү болгон.

Издөө иштеринин натыйжасында ошол эле күнү Балыкчы шаарынын тургуну 21 жаштагы К.А., кармалды, ал сурак маалында күнөөсүн мойнуна алды.

«Тойота Витц» автомобли унаа токтотуучу жайга коюлуп, тергөө башталды.