Караколдо эки унаа кагылышып, 3 жигит каза болуп, 3 адам жабыркады

Балыкчы-Ананьево-Каракол унаа жолунун 204-чакырымында эки унаанын катышуусунда жол кырсыктан 3 адам каза болду. Бул тууралуу ӨКМдин басма сө кызматына таянып "Барометр" билдирет. 

"Кечээ, 12-апрелде Ысык-Көл облусунун Түп районунда түнкү саат 23:14 төр чамасында Балыкчы-Ананьево-Каракол унаа жолунун 204-чакырымында (Михайловка айылына жакын) "Тойота Камри" жана "Ауди С4" үлгүлөрүндөгү унаалардын катышуусунда жол кырсыгы катталган. 

Натыйжада 3 эркек адам (2002-ж.т. К.А., 2001-ж.т. Т.К., 2001-ж.т. Р.К.) каза болуп, 3 эркек адам (2000-ж.т. Т.уулу Б., 2000-ж.т. А.уулу Ы., 2000-ж.т. Ж.Т.) жабыркаган. 

Тартылган куткаруучулар каза болгон адамдардын жансыз денелерин унаадан чыгарып ИИМнин кызматкерлерине өткөрүп беришкен, ал эми жабыркагандар Түп райондук ооруканасына тез жардам аркылуу жеткирилген. 

Куткаруу иштерине Каракол шаардык №15 өрт куткаруу бөлүгүнөн 5 куткаруучу тартылган", - деп айтылат маалыматта.