"Бакубат Талас" фонду Бекмолдогу мектептерге жана бала бакчаларга 6 тонна картошка таратты

“Бакубат Талас” фонду Бекмолдо айыл аймагындагы дыйкандар менен биргеликте мектеп, бала бакчаларга жана мүмкүнчүлүгү чектелген, аз камсыз болгон үй-бүлөлөргө жардам катарында картошка таратып берди.

Алгач Кара-Ой айылындагы Жакып Молдосанов атындагы балдар бакчасына 1 тонна, А.Борубаев атындагы орто мектебине 1 тонна картошка бөлүндү. Андан соң Сасык-Булак, Кеңеш, Чоң-Токой айылдарындагы мектептерге 1 тоннадан жалпы 5 мекемеге жана аз камсыз болгон 39 үй-бүлөгө 3 каптан картошка таратылды.

Эскерте кетсек, "Бакубат Талас" фонду Жерүй кенин иштеткен "Альянс Алтын" компаниясы тарабынан каржыланат.