Асия Сасыкбаева: Дарыгерлер Аида Салянованы ооруканага алып кетишти

“Ата Мекен” партиясынын мүчөсү, Жогорку Кеңештин экс-вице-спикери Асия Сасыкбаева камактагы экс-башкы прокурор Аида Салянованы ооруканага алып кетишкенин социалдык тармактагы баракчасына кабарлады.

“Дарыгерлер Салянованы ооруканага алып кетишти”,-деп маалымдады Сасыкбаева.

Эскерте кетсек, кримтөбөл Азиз Батукаевдин мыйзамсыз бошотулушу боюнча камакка алынган экс-башкы прокурор Аида Салянованын жакындары ал кармалып жаткан 1-СИЗОдо тез жардам чакыртышкандарын билдиришкен. Бирок Жаза аткаруу мамлекеттик кызматы бул маалыматты тастыктаган эмес.

Салянованын жүрөк оорусу күчөп жатканы кабарланган.