"Альянс Алтын" компаниясы Азия Чемпионатынын жеңүүчүлөрүн куттуктады

«Альянс Алтын» компаниясы Азия Чемпионатынын жеңүүчүлөрүн куттуктады. Бул тууралуу ишкананын маалымат кызматына шилтеме берип "Барометр" билдирет.

Маалым болгондой, Таластан чыккан баатыр кыздар Бахрейнде өткөн чемпионаттан ийгиликтүү келишкен.

"Талас обласунун Бакай-Ата районундагы Өзгөрүш айылынын спортчу кыздары Асель Жапарова жана Аяна Асамаликова Бахрейндин Манама шаарында өткөн Азия Чемпионатында (U15) күрөш боюнча ийгиликтерди багындырды.  

Чемпионатта Асель Жапарова алтын медаль жеңип, ал эми Аяна Асамаликова коло медалдын ээси болду.  

«Альянс Алтын» компаниясынын башкы директору Сабир Рахматов  спортчуларды жана машыктыруучусу Талант Бегалиевти жеңиши менен куттуктап, аларга акчалай сыйлык тапшырды", -деп айтылат маалыматта.

«Альянс Алтын» компаниясы Талас облусунун социалдык жана  экономикалык абалына гана көңүл бурбастан маданият жана спорт  тармактарын колдоп келет. Мисалы, спорт мелдештерди каржылап, эл аралык чемпионаттарга катышкан спортчуларга акчалай жардам берип келет.