Алматыда катуу шамалдан улам унаалардын үстүнө бактар кулады

Алматыда катуу шамалдан дарактар унаалардын үстүнө кулады. Бул тууралу Казакстандын Өзгөчө кырдаалдар департаменти берген маалыматка шилтеме кылып “Барометр” билдирет.

Маййлыматка ылайык, төрт унаа жарабай калган. Бактыга жараша жабыркагандар жок.

Ошондой эле, "109" Куткаруу кызматына унаа жолуна, жөө жүргүнчүлөр өтүүчү жерде жана балдар ойноочу аянттарга бак-дарактардын кулап түшкөндүгү жөнүндө 17 билдирүү түшкөнү белгилүү болду.

"Аймак тазаланды. 109 кызматынын маалыматы боюнча, жабыркагандар жана жаракат алгандар жок", - деп билдирди департамент.

Буга чейин, Алматы шаарынын Өзгөчө кырдаалдар департаменти жана "Казгидромет" бороон болорун эскерткен.