Албек Ибраимов суракка чакырылды

«Дастан» ишканасына азыркы Бишкек шаарынын мэри Албек Ибраимов 2012-жылы жетектеп турган учурда болгон сатып алуулар боюнча кылмыш иши козголду. Анын негизинде шаардын мэри  суракка чакырылды.Бул факты боюнча “кызмат ордун кыянаттык менен пайдалануу аркылуу ишенимге берилген мүлктү өзгөчө чоң өлчөмдө чыгымдап салуу” беренесине ылайык кылмыш иши козголгон. Буга кошумча шаардын мэри товарды өз баасынан жогору сатып алган деп шектелүүдө. Суммадагы айырма 470 миң АКШ долларын түзгөн.