Ала–Тоо аянтында жаштар ала качууга каршы флешмоб өткөрүшөт

"Биз, жаштар кыз, ала качууга жана эрте турмуш курууга каршыбыз!" аталышындагы флешмобко Бишкектеги окуу жайларында билим алып жаткан беш миңдей студент катышат.

Массалык флешмоб эртең, 6-июнда саат 10:00до өтөөрү пландаштырылган. Мындай аракет аркылуу студенттер ала-качуу көйгөйүнө калктын көңүлүн бурууну максат кылып жатышат. Флешмобдун уюштуруучулары, аталган көйгөйгө бейкапар карабаган бардык жарандарды келип, катышууга чакырышууда.

Уюштуручу - "Enactus Кыргызстан" кыймылы Билим берүү жана илим министрлиги менен Жаштар иштери, дене тарбия жана спорт министрлигин колдоосунда түзүлгөн. Билдирүүлөргө караганда бул флешмоб кийин өлкөнүн башка аймактарында дагы өткөрүлүшү күтүлүүдө.