Ак-Сай айылынын 455 тургуну эвакуацияланды

Ак-Сай айылынан жалпы 485 тургун эвакуацияланды. Бул тууралуу Кыргызстандын Кызыл жарым ай коому билдирди.    

Эвакуацияланган тургундардын арасында 156сы аялдар, 285  балдар бар. Көпчүлүк жарандар Баткен шаарындагы туугандарынын үйүнө, калгандары № 57 лицейге жана  № 3 мектепке жайгаштырылды.

“14-мартта КРдагы Кызыл жарым ай коому Баткендеги өкмөт өкүлчүлүгүнүн өтүнүчү менен № 57 мектепте жайгашкан 30 үй-бүлөгө нан жана ысык тамак берди. Ошондой эле Ак-Сай айылынын 200 тургунуна азык-түлүк тапшырылды”,-деп кабарлашты уюмдан.

Уюмдун берген маалыматына таянсак, чатак чыккан аймакка барчу жолдор жабык.