Афган качкындары түшкөн учактын салонунун сүрөтү жарыяланды

Америкалык транспорт учагынын салонунан тартылды деген сүрөт социалдык тармактарга жарыяланды. Бул тууралуу Пентагондун басма сөз ассоциациясынын вице-президенти Маркус Вайсгербер Тwitter баракчасына сүрөт жүктөгөнүн “Барометр” кабарлайт.

Бул кадр 15-августта кечинде тартылып алынганы айтылууда.

Сүрөттөн Афганистандан АКШга учуп чыккан учактын салонунда отурган жыкжыйма адамдарды көрүүгө болот.

Адегенде учактын бортуна мынча адамды алуу пландалбаганын, бирок өлкөдөн кетүүнү көздөгөндөрдүн сан ушунчалык көптүгүнөн аларды токтото албай калышканы маалымдалды.

Вайсгербер жазгандай салондун ичине 640тай качкын отурган.

Эскерте кетсек, Афганистанда бийлик “Талибан” кыймылынын колуна өткөндөн бери өлкөдөн кетүүнү каалагандар аба майданында башаламандык жаратышууда.